ഇടുക്കി: പരാധീനതകളെ അതിജീവിച്ച്‌ സംസ്ഥാന സ്കൂള് കായിക മേളയില്‍ തിളങ്ങിയ സഹോദരിമാർ വാരിക്കൂട്ടിയ മെഡലുകള്‍ സൂക്ഷിക്കാൻ അടച്ചുറപ്പുള്ളൊരു വീടില്ലാതെ വിഷമിക്കുകയാണ്.ഇടുക്കി കാല്‍വരിമൗണ്ട് സ്വദേശികളായ ദേവനന്ദക്കും ദേവപ്രിയക്കുമാണ് ഈ ദുർഗ്ഗതി. ഏതു നിമിഷവും ഇടിഞ്ഞു വീഴാവുന്ന വീട്ടിലാണ് ഇവരുടെ ഏഴംഗ കുടുംബം താമസിക്കുന്നത്. ഇത്തവണത്തെ സംസ്ഥാന സ്കൂള് കായിക മേളയില്‍ സബ് ജൂനിയർ വിഭാഗത്തിലെ വേഗറാണിയാണ് ഇടുക്കി കാല്‍വരി ഹൈസ്കൂളിലെ എട്ടാം ക്ലാസുകാരിയായ ദേവപ്രിയ.ആദ്യത്തെ സംസ്ഥാന മത്സരത്തിലാണ് ഈ നോട്ടം കൊയ്തത്. 200 മീറ്ററില്‍ വെള്ളിയും നേടി. സംസ്ഥാന മേളയില്‍ ഹൈജംപില്‍ മികച്ച പ്രകടനം കാഴ്‌ച്ച വെച്ച്‌ സഹോദരി ദേവനന്ദയും ഒപ്പമുണ്ടായിരുന്നു. നേട്ടങ്ങളില്‍ സന്തോഷമുണ്ടായെങ്കിലും വീടിൻറെ കാര്യമോ‍ർക്കുമ്ബോള്‍ രണ്ടു പേർക്കും വിഷമമാണ്. വാരിക്കൂട്ടിയ മെഡലുകളും മൊമെന്റോകളും സൂക്ഷിക്കാൻ സ്ഥലമില്ലാത്തതിനാല്‍ തട്ടിൻ മുകളിലും കട്ടിലിനടിയിലും വച്ചിരിക്കുകയാണ്.മഴക്കാലമായാല്‍ വീടാകെ ചോർന്നൊലിക്കും. ചുമരുകളെല്ലാം വിണ്ടു കീറി. അപകടത്തെ തുടർന്നുണ്ടായ പരിക്ക് മൂലം മരം വെട്ട് തൊഴിലാളിയായിരുന്ന അച്ഛൻ ഷൈബുവിന് പണിക്ക് പോകാൻ കഴിയില്ല. അമ്മ ബിസ്മിയുടെ കേരള ബാങ്കിലെ താല്‍ക്കാലിക ജോലിയില്‍ നിന്നും ലഭിക്കുന്ന തുച്ഛ വരുമാനത്തിലാണ് ഏഴംഗ കുടംബം കഴിയുന്നത്. ഇതില്‍ നിന്നും മിച്ചം പിടിച്ചു വേണം മക്കള്‍ക്ക് പരിശീലനത്തിനും മറ്റും പണം കണ്ടെത്താൻ. പിന്നെങ്ങനെ വീടു പണിയും. 10 സെൻറ് സ്ഥലത്ത് വീടിനായി ലൈഫ് മിഷനില്‍ അപേക്ഷ നല്‍കിയെങ്കിലും നടപടി ഒന്നുമായിട്ടില്ല. പുതിയ നേട്ടങ്ങളിലേക്ക് ഓടിയും ചാടിയും കയറുമ്ബോള്‍ ഇരുവർക്കുമുള്ളത് ഒരേ സ്വപ്നം.
അക്കൗണ്ട് വിവരങ്ങള്‍
A/c No - 138012327200825
BISMI SHAIBU AND GEORGE M V
KERALA STATE CO-OP BANK
THANKAMANI BRANCH
IFSC - KSBK0001380
G PAY - 9656297642
Comments
Post a Comment